Por unha UVigo profesionalizada
na que o PTXAS tamén conte
Unha candidatura independente de PTXAS ao claustro
SOMOS - PTXAS INDEPENDENTES é a denominación baixo a que un grupo de persoal funcionario presentamos a nosa candidatura ao claustro. Reclamamos unha UVigo profesionalizada na que o PTXAS conte de verdade. Por iso queremos ter voz no Claustro. Porque queremos que tamén ti teñas voz nas decisións da UVigo.
Eleccións á reitoría 2026
Preguntámoslles polas políticas de PTXAS ás tres candidaturas.
As persoas que encabezarán as candidaturas ás eleccións a reitor ou reitora do vindeiro 6 de maio responden a 23 preguntas suxeridas por vós sobre algúns dos asuntos que máis nos interesan como colectivo.
JACOBO PORTEIRO
"Non se pode improvisar ano a ano como substituír as xubilacións. Deberíamos poder modelar a evolución do noso cadro de persoal e ver que áreas hai que reforzar ou reestruturar."
CARMEN G. MATEO
"Estamos decididos a rematar coa intrusión funcional e a devolver a autonomía de xestión aos servizos profesionais da Universidade de Vigo."
BELÉN RUBIO
"A nosa proposta é reforzar o apoio técnico e administrativo para que os cargos académicos poidan centrarse na planificación estratéxica e na captación de proxectos institucionais"
Eleccións ao claustro
O próximo 6 de maio de 2026 celebraranse as eleccións das que sairán as persoas representantes no claustro Universitario da Universidade de Vigo para os próximos anos.
O Claustro Universitario está integrado por 251 membros que se elixen nos diversos sectores da comunidade universitaria, mediante sufraxio universal, libre, igual, directo e secreto.
Son membros natos a reitora ou reitor, a secretaria ou secretario xeral, a ou o xerente e as decanas ou decanos e directoras ou directores de facultades e de escolas.
128
representantes do profesorado doutor con vinculación permanente
22
representantes do restante persoal docente e investigador
63
representantes do estudantado
38
representantes do persoal de administración e servizos
SOMOS... Pero quen somos?
Pedímoslles fotos "actualizadas" a todas as persoas que se presentarán baixo as nosas siglas pero, polo que se ve, estamos demasiado implicados na remuda xeracional da UVigo. A continuación tedes unha pequena mostra das imaxes máis recentes que nos achegaron. Haberá máis nos vindeiros días.
Facendo clic en cada foto podes atopar pistas sobre quen é cada quen. Se non o adiviñas, na seguinte ligazón poderás coñecer as súas identidades:
Por unha Universidade de Vigo na que o PTXAS conte de verdade